[品味人間]
串燒店曾經盛極一時, 而家又好似靜左DD. 不過呢間係我地朋友間時常提起的. 因為食物不俗, 服務OK, 價格相宜, 同埋, 地點夠哂方便! 不過衰在地方細, 有點狹窄. 無咩空間感, 同埋有DD嘈啦.
有幾款食物我地係幾欣賞的. 好似佢個燒雞皮好脆, 好香! 沒有多餘的油份呀, 燒得不錯呀!
人人都食炸雞的時候, 我地又點可以唔食下呢?! 佢個炸雞幾juicy! 件頭都合格. 個汁酸酸地, 好開胃呢! 不過唔知係咩式呢? 又唔太似韓式呢. 哈哈!
我地個個都大愛佢個燒白鱔, 燒得剛好. 好香好脆!! 魚肉很嫩滑, D皮咬落去有好清脆的聲音. 感覺很良好呀!!! 同埋佢個汁真係好惹味!! 不過如果大件DD, 就會更加好啦.
如果問我地, 呢度邊款食物係必食的話. 我地一定會話係....."心燒免治雞肉棒" !! 個汁好rich, 好香又甜甜地, 大多數人都會喜歡的! 而生的雞蛋汁就令雞肉棒沒有那麼熱氣呢. 而且令到雞肉更加多層次感. 同埋, 真係好好好 juicy 呢!!! 如果唔係得一個胃, 我應該會食多幾串囉!!
普遍來說, 每位大約 HKD 250 -- 300 左右.
邊樹?
心燒食堂
銅鑼灣駱克道487號駱克駅22-23樓
Search